Ata pronto!

O fin do cuatrimestre está máis preto do que pensamos, por iso queremos despedirnos amosándovos algúns dos traballiños que fixemos para o noso proxecto.

Desta vez as actividades que vos traemos son recursos feitos con materiais plásticos: témperas, lápices de cores, papel… empregando ademáis materiais reciclados como o cartón e o papel de alumnio.

  • O primeiro que vos queremos amosar é un instrumento mediante o cal podemos visualizar eclipses solares.j jj
  • O outro material elaborado son uns astronautas de papel que teñen brazos articulables. A idea é que, en cada un, os nenos poñan una fotografía deles para sentirse, deste modo, auténticos astronautas.

ll l

 

Despois de todo este tempo queremos despedirnos, non sen antes darvos as grazas por poder compartir todo o noso proxecto con vosoutros. Pero tranquil@s, non é unha despedida, senón un ata pronto! Esperamos que realmente desfrutarades disto, ao menos un chisco do que o fixemos nosoutras!

Publicado en Sen categorizar | Etiquetado , , , | Deixa un comentario

Ímonos a Marte!

A actividade final que queremos desenvolver cos máis pequenos está a relacinada con Marte. Este exercicio estaría baseado na comparación entre o relevo terrestre e o relevo de Marte, onde fai anos existiu auga e deixou unhas marcas similares ás que deixa o mar nas praias cando está a marea baixa.

Estes son algún dos resultados das fotografías tomadas na praia:

 

PRAIACARNOTA

 

 

 

 

E esta é unha das posibles imaxes do relevo marciano para comparar as semellanzas entre ambas:

 

redefluvialeleitosmarte

 

 

 

 

 

Traemos esta actividade á aula porque consideramos que pode espertar o interese das crianzas, ademais de que sair á praia para tomar as fotografías será unha experiencia en contacto coa natureza que resultará moi beneficiosa para eles. Aquí será preciso que os nenos e nenas amosen curiosidade, respeto e coidado polos elementos e obxectos do medio.

Esperemos que vos guste tanto como a nós e que aproveteides todas estas ideas!

Publicado en Educación Infantil | Etiquetado , , | Deixa un comentario

Viaxando polo espazo.

Boas noites a todos e todas! Traémosvos unha nova actividade, pero desta vez relacionada cos astronautas.

As crianzas case sempre din que de maiores queren traballar de mestres, médicos, bombeiros e…. astronautas! Por iso cremos que un proxecto do Sistema Solar non sería nada sen estas persoas tan especiais para os cativos/as, sendo necesario incluir unha actividade sobre os mesmos:

Aquí, os pequenos terán que recoñecer as diferentes partes que compoñen un traxe espacial e colocalas sobre o debuxo no seu lugar correspondente. Esta tarefa poderá empregarse para traballar a lateralidade, de tal forma que terán que diferenciar entre luva e bota esquerda ou dereita. Será unha actividade a realizar na PDI, empregando como imaxe de fondo, unha nena astronauta e, como elementos a colocar, as diferentes partes do traxe.

 

8

 

Ademais, para introducir máis aos nenos no mundo dos astronautas, queremos falar con familiares ou outras persoas que sexan especialistas sobre este tema, para que así o alumando poida realizar as preguntas que máis lle interesen e recibir un feedback importante de información. Agradecémosvos a vosa colaboración e seguimento, é moi importante para nós!

Publicado en Sen categorizar | Deixa un comentario

Os planetas e a Lúa…

Seguimos avanzando! En relación co título do post queremos seguir ensinandovos cousiñas novas, neste caso sobre os planetas e a Lúa… Desfrutade delas!

  1. Organizar os diferentes planetas respecto ao Sol a través dunha actividade interactiva na que o alumno ten que ordenar as correspondentes imaxes (a do Sol en primeiro lugar e a dos diferentes planetas no seu lugar correspondente). 5
  1. Relacionar o nome de cada planeta coa imaxe correspondente, para que así os nenos sexan capaces de identificar os diferentes astros que conforman o Sistema Solar. Nesta actividade interactiva haberá dúas columnas, unha co nome e a outra coa imaxe dos planetas, as cales se deberán relacionar entre si subindo e baixando nas frechas.    6

 

  1. Actividade interactiva na que, a través dun panel gráfico coa imaxe das correspondentes posicións da Lúa, o alumnado ten que identificar e relacionar os nomes das diferentes fases no seu recadro correspondente. 7
    Seguide á espera… atentos! Novidades están por chegar.
Publicado en Sen categorizar | Deixa un comentario

Novas actividades!

Ola de novo a tod@s! Un día máis traémosvos avances do noso proxecto, concretamente actividades. Queremos mencionar que estas actividades están feitas co programa Ardora, unha ferramenta TIC de gran utilidade, xa que se pode empregar para traballar tanto con nenos pequenos como con máis maiores. Para crear as actividades hai que seguir uns pasos moi sinxelos, asique se vos interesa saber como se fan ou se queredes máis información sobre o programa Ardora, non dudedes en preguntarnos! Aquí vos deixamos o link da páxina: http://webardora.net/index_cas.htm

As que hoxe vos queremos amosar son:

1. Resolución dunha sopa de letras. Esta terá como finalidade que os cativos identifiquen algúns dos conceptos básicos que están en relación co tema a traballar: sol, asteroide, cometa, universo, nave e estrela. 

1 2

2. Ordenar os planetas segundo o seu tamaño (do máis pequeno ao máis grande) empregando a numeración ordinaria ata o oitavo. Para iso empregaremos a páxina multimedia da pizarra de Ardora utilizando como fondo unha imaxe do sistema solar cos planetas, onde terán que arrastrar o correspondente número ordinal.

3

3. Relacionar a cantidade de certos elementos do Sistema Solar, como son as estrelas, co seu número cardinal correspondente. Na PDI, os nenos disporán dun cadro dividido en nove columnas, cada unha co número correspondente (do 1 ao 9), no cal irán colocando o número de estrelas acorde.

4

Esperamos que vos gusten as actividades… seguide atentos, iremos colgando as demáis actividades nos vindeiros días.

Publicado en Sen categorizar | Deixa un comentario

Por fin, actividades!

Boas noites a todos e a todas. Estamos moi emocionadas xa que por fin podemos compartir convosco a nosa primeira actividade: o crebacabezas dos planetas Sistema Solar.

Á hora de realizar esta actividade non nos resultou moi complicado, xa que os pasos a seguir para levala a cabo eran moi sinxelos.

Encadraríase dentro das actividades de reforzo e ampliación, realizada na primeira semana do proxecto.

Con esta actividade queremos que as crianzas ordenen as diferentes pezas que conforman a imaxe. Isto implica que os cativos e cativas recorden a información tratada e sexan capaces de identificar a posición dos distintos planetas.

O resultado final da elaboración da actividade sería o seguinte:

Sin título Sin títulom

Publicado en Sen categorizar | Deixa un comentario

Primeiros pasos

Como primeira aproximación do Sistema Solar aos cativos, na asemblea diaria comezaremos realizando preguntas sobre o tema para así poder saber de onde partimos, é dicir, os coñecementos previos e ideas que os nenos posúen.

Para continuar, procederemos á visualización dun vídeo que nos vai explicar un pouquiño a Vía Láctea, a galaxia na cal está situado o noso Sistema.

 

Publicado en Sen categorizar | Deixa un comentario

Comezamos co proxecto…

milky-way-923801_1280

Ola! Neste novo post queremosvos contar o comezo do noso proxecto, o cal nos resultou algo dificultoso, xa que como é de costume, as actividades xa están mais ou menos pensadas, aínda que a estruturación da guía didáctica asi como a súa redacción foi o que máis nos custou.

Finalmente, decidimos que o mellor á hora de elaborar a guía didáctica sería establecer os seguintes apartados clave:

  • Introdución
  • Obxectivos
  • Contidos
  • Competencia
  • Avaliación
  • Metodoloxía
  • Actividades
  • Referencias bibliográfica

-En canto aos obxectivos, estruturámolos en tres tipos: xeráis, específicos de área (Coñecemento do si mesmo e autonomía persoal, Coñecemento do contorno e Linguaxes: comunicación e representación) e específicos de actividade, o cal nos facilitou en gran parte a relación dos mesmos coas actividades a elaborar. Cabe destacar aquí o gran apoio que nos supuxo o currículo, xa que constitúe un aspecto fundamental.

-Os contidos están desenvoltos en consoancia cos aspectos a traballar ao longo do proxecto. Non nos supuxeron gran dificultade á hora de introducilos no momento mais si que falta darlles un último pulo e unha posterior revisión de cara ao remate da guía didáctica.

Por outra banda, a temporalización do proxecto sería de catro semanas (ampliables se o desenvolvemento das actividades así o require).

Pouco a pouco vai collendo algo de forma… Seguide atentos ao blogue, o mellor faise esperar!

Publicado en Sen categorizar | Deixa un comentario

Unha nova aventura: o Sistema Solar.

solar-system-414388_1280

Ola, somos Julia e Natalia, estudantes do Grao en Mestra de Educación Infantil na Universidade de Santiago de Compostela. Estamos a piques de comezar un novo proxecto na asignatura de Procesos de Mellora e Uso das TIC, o cal discorre arredor do Sistema Solar. Estamos moi emocionadas!

A elección deste tema xurdiu a raíz do gran interese que nós temos sobre o mesmo, o cal tamén resultaría moi interesante a traballar co noso grupo-clase, transmitíndolle os coñecementos que nós mesmas tamén posuímos. Así, os cativos poderían profundizar no mundo das ciencias empregando as Tecnoloxías da Información e da Comunicación entre outros moitos recursos didácticos.

Ademais, consideramos que é unha área entretida para os nenos e nenas de infantil, a cal pode ser acompañada por información sinxela e imaxes ilustrativas que os axuden a introducirse nunha pequena parte do universo, tendo sempre en conta as súas ideas previas.

Poderemos coñecer o Sistema Solar, o cal está formado polo Sol e corpos celestes que xiran arredor desta estrela pola gravidade: oito grandes planetas (Mercurio, Venus, A Terra, Marte, Xúpiter, Saturno, Urano e Neptuno) xunto cos seus satélites, planetas menores, cometas, asteroides, etc.

Aquí faremos ver aos cativos que forman parte deste gran Sistema mediante actividades que permitan un proceso de ensino-aprendizaxe lúdico e entretido. As TIC serán un gran soporte para o desenvolvemento deste proxecto, xa que a maioría das actividades estarán elaboradas mediante o programa Ardora, ademais de recursos elaborados por eles mesmos coa nosa axuda.

A pesar de que é un tema que moitos consideran como algo “inacesible” e “difícil” para o alumnado desta etapa educativa, nós concibímolo como algo importante e necesario para enriquecer o seu coñecemento sen velo como algo alleo.

Esperamos ter un feedback positivo pola vosa parte. Estaremos abertas a todos os posibles comentarios e ideas que nos axuden a mellorar a nosa práctica educativa!

Publicado en Sen categorizar | 1 Comentario